Lithotage í München 28. 8 - 2.9.2012

Guten tag Deutschland

Í næstu viku verð ég í München á Lithotage II 2012 eins og áður hefur komið fram. Grafíkfélagið verður með bás á grafíkmessunni 1. og 2. september og ætlar þar að kynna og sýna íslenska grafík og verkstæði félagsins en það eru engir aukvisar sem verða þarna með okkur eins og sjá má á þessum lista:

Sept. 1st – 2nd, 2012

LITHO + 

Curvaluxa, (GER); .Edinburgh Printmakers (UK); .Faßlrinner, Stiegeler, Grigorjewa (GER); .Thomas Franke, Steinwerk (GER); .Graphisches Atelier Leipzig (GER); .Icelandic Printmaking Association (ISL);.Kulturmodell Bräugasse Passau (GER); .Marita Kusch, Luminita Mihailicenco, Manfred Hollmann, Karl Imhof (GER);museograbado, (MEX);.Nederlands Steendrukmuseum (NL); .Paul Bernhard, Heß Christian, Pohl Peter (GER);.Planparallel (GER);.Rehm Christof (GER); .Römertum Feinstpapier (GER);.Royal Academy of Fine Arts, Antwerp (BE); .show your print, Milano (IT);.Stangl Reinhard, Berlin(GER); .Steendrukkerij Obelisk, Wim Jonkman (NL); .Tschesno Steffen, Berlin (GER);Universität der Künste Berlin (GER);Bolaget Vardagsbilder (SE);

Grafikwerkstatt Dresden (Ger)Neuhauser Kunstmühle (AUS). 

Það er Steindruck München sem skipuleggur þennan viðburð sem haldinn er á 5 ára fresti og er virðulegt verkstæði sem heldur þessari aðferð(steinþrykk)sérstaklega á lofti og er virðuleg stofnun eins og sjá má:

Virðuleg stofnun eins og sjá má

Ég er að með ákveðið verkefni í huga fyrir sjálfa mig sem ég vonast eftir að geta þokað áfram en auðvitað ganga svona messur út á að sýna sig, sjá aðra, skoða það sem efst er á baugi í þessu fagi, skoða fjölmörg verkstæði og sjá fagfólk að störfum. Ótal sýningar opna þessa viku og auðvitað verður borgin tekin út og helstu söfnin ef tími vinnst til.

Fleiri frægir

Eugéne Delacroix - Mefistóteles á flugi - Litógrafía 1828

Þessi mynd hefði held ég ekki getað verið gerð með neinni annarri tækni en litógrafíu en Delacroix var einn af þeim fyrstu til að nýta sér þessa tækni þegar hún kom fram um aldamótin 1800. Hann var gríðarlega flinkur teiknari og það er greinilegt á þessari mynd að hann ræður við gráu tónana, kontrastana og svo er hún leiðinni eitthvað svo frjálslega unnin.

Hægri hönd Goltziusar

Listamaður: Goltzius - 1588. Penni og brúnt blek á pappír

Þessi teikning er mjög fræg og er af hægri hönd Goltziusar sem var hollenskur listamaður og var uppi á 16. öld. Hann var mjög þekktur og flinkur listamaður en varð fyrir því óláni á fyrsta ári að brenna á sér hægri hendina á kolum og alla tíð síðan gat hann ekki opnað lófann alveg. Það stóð þó ekki í veginum fyrir fullkomnun hans sem teiknara og kannski hefur hann einmitt lagt sig enn meira fram þess vegna. En þessi teikning er alger snilld og það má skoða fleiri myndir eftir hann og fleiri meistara á þessum hlekk

Grafíksýningin Philagraphika 2010

Það er stundum gaman að skoða eitthvað skemmtilegt og láta sig dreyma stóra drauma. Mig dreymir um að vinna í stærðum í grafík(og fleiri miðlum reyndar). Fylla herbergi eða sali, ráða til mín aðstoðarmenn og þrykkjara sem hjálpa mér að hrinda hugmyndum mínun í framkvæmd. Þá er gott að skoða svona sýningar, þær fylla hugann af einhverju stórkostlegu eins og á þessari sýningu: Philagraphika 2010 , Þetta hefði ég viljað sjá.

Vonandi sé ég líka verk eftir þessa stórfenglegu listakonu einhverntímann. Hér er video um verk hennar: Regina Silveira Mundus Admirabilis Hún er frá Brasilíu og er fædd 1939. Verk hennar, silkiþrykk á postulín og útsaumur í efni. eru áleitin þrátt fyrir fegurðina í þeim gefa þau til kynna ofbeldi, spillingu og kvikyndi sem hafa tekið yfir líf okkar og sálu.

Regina Silveira Mundus -  Admirabilis, 2010 

Christiane Baumgartner

Kröftugur listamaður - hefð mætir tækni Christiane Baumgartner er heimsþekkt fyrir gríðarstórar tréristur sínar sem eru handgerðar af mikilli nákvæmni og eru lengi í vinnslu. Hún lærði hefðbundna grafík í Leipzig í Þýskalandi í Hochschule für Grafik und Buchkunst  en tók síðan Mastersgráðu í Grafík í Royal College í Londonþar sem hún vann einkum með video. Í stórum tréristum sínum sameinar hún þetta tvennt með því að stækka "still" myndir upp og útfæra í tréristur á einkar sannfærandi máta. Vildi gjarnan sjá þessi verk í nálægð.

Risa tréristur Christiane Baumgartner af sýningunni Philagraphica 2012

PAPPÍR PAPPÍR PAPPÍR

Ég elska pappír. Þykkan pappír, þunnan pappír, pappír á rúllu, pappírsörk, handgerðan pappír, pappír vandlega rifinn niður og líka pappírssnifsi. Gulnaður pappír, skjannahvítur og litaður hver með sinn sjarma. A4 örk stendur líka alltaf fyrir sínu. Ég vinn mikið með pappír en það er stundum erfitt að koma vel til skila því sem maður gerir á pappír, eins og það myndist ekki almennilega.

Hér eru nokkrir linkar á flottar vefsíður með pappír:
 http://www.nycentralart.com/
http://www.legionpaper.com/
http://store.hiromipaper.com/